पांचगणी न्यूज नेटवर्क
”परिस्थिती कितीही खडतर असली तरी इरादे ज्यांचे पोलादी असतात,
लोकांच्या हृदयात राज्य करणारी माणसे काळजाचा ठोका बनून राहतात!”
पांचगणीच्या सामाजिक आणि राजकीय पटलावर ज्या नावाने एक वेगळाच दरारा निर्माण केला, अन्यायाविरोधात नेहमी छातीठोकपणे उभे राहिले आणि ज्यांच्या आक्रमक, तडफदार कार्यशैलीने संपूर्ण शहराचे लक्ष वेधून घेतले, ते म्हणजेच पांचगणी नगरपालिकेचे माजी उपनगराध्यक्ष श्री. सचिन भिलारे! आज अशा एका झुंजार आणि लोकशाहीच्या मैदानात वादळ उठवणाऱ्या तडफदार नेतृत्वाचा वाढदिवस!
”संघर्षाच्या वाटेवर ज्याने कधीही पराभव स्वीकारला नाही,
पांचगणीच्या जनतेच्या मनावर आजही ज्याचेच नाव राज्य करते!”
सत्ता असो वा विरोध, सचिन भिलारे यांनी राजकीय आयुष्यात कधीही माघार घेतली नाही. २००६ ते २०११ आणि २०११ ते २०१६ अशा सलग दोन कार्यकाळात त्यांनी नगरसेवक म्हणून आपल्या प्रभागासह संपूर्ण शहरावर आपल्या कर्तृत्वाची घट्ट मुठ बांधली. शाहूनगर, सिद्धार्थनगर, डॉ. बाबासाहेब आंबेडकर कॉलनी आणि पॉवर हाऊस परिसर या भागांमध्ये त्यांनी आणलेला निधी आणि राबवलेली विकासकामे ही आज त्यांच्या दूरदृष्टीची स्पष्ट साक्ष देतात. उपनगराध्यक्ष पदाच्या कार्यकाळात तर शहराच्या पायाभूत सुविधांसाठी प्रशासनाकडून कामे थेट ‘खेचून’ आणण्याची त्यांची ताकद अख्ख्या शहराने अनुभवली.
”मैदानात उतरलो की विजय किंवा संघर्ष, तिसरा पर्याय नाही,
तडफदार नेतृत्वाचा हाच खरा बाणा आणि हीच खरी ओळख!”
माजी नगराध्यक्ष शेखरजी कासुर्डे, माजी नगरसेवक महेश चौरसिया आणि संतोष कांबळे यांच्यासमवेत सचिन भिलारे यांनी या माध्यमातून शहराच्या विकासाचा आणि समाजकारणाचा एक नवा अध्याय लिहिला. लोकांचे प्रश्न थेट सोडवणे आणि प्रशासनाला धारेवर धरून न्याय मिळवून देणे हा या टीमचा आणि सचिन भिलारे यांचा खाक्या होता. छत्रपती शिवाजी महाराज यांच्या विचारांवर निष्ठा ठेवणारे आणि खासदार श्रीमंत छत्रपती उदयनराजे भोसले यांचे खंदे अन् अत्यंत निष्ठावंत समर्थक म्हणून सचिन भिलारे यांची वेगळी ओळख निर्माण झाली. ‘थेट भिडायचं आणि प्रश्न सोडवायचे’ हा त्यांचा बाणा तरुणांना नेहमीच भावला, त्यामुळेच सचिन भिलारे म्हटलं की अवतीभवती तरुणांचा मोठा गराडा हे समीकरणच बनले होते.
”वादळालाही ज्यांच्या धैर्याची धास्ती वाटते,
लढाऊ बाणा असणारेच सचिन भिलारे म्हणून ओळखले जातात!”
सचिन भिलारे म्हणजे फक्त एक नाव नाही, तर पांचगणीच्या राजकारणातील एक आक्रमक, संवेदनशील आणि ध्येयवादी इतिहास आहे.
”शतायुषी व्हा, दीर्घायुषी व्हा!
तडफदार नेते, माजी उपनगराध्यक्ष श्री. सचिन भिलारे यांना वाढदिवसाच्या हार्दिक हार्दिक शुभेच्छा!”
